13:45 Պատգամավորի թեկնածուի խորովածը վրդովեցրել է աջափնյակցիներին | |
«Բարգավաճ Հայաստան» կուսակցության մեծամասնական ընտրակարգով պատգամավորության թեկնածուները լսելով ԲՀԿ առաջնորդ Գագիկ Ծառուկյանի ելույթները՝ եթե իր թեկնածուները չարդարացնեն սպասելիքները, ապա ժողովուրդը պետք է դիմի իրեն, և ինքը այդ պատգամավորին պատասխանատվության կկանչի, սկսել են ամեն ինչ անել, որպեսզի արդարացնեն Ծառուկյանի հույսերը: Բայց այդ քայլերը երբեմն զավեշտի են հասնում ու միևնույն ժամանակ՝ ամոթալի ստացվում: Բանն այն է, որ երեկ Աջափնյակի թիվ 6 ընտրատարածքի բնակիչների հետ հանդիպման ժամանակ այդ տարածքում մեծամասնական ընտրակարգով պատգամավորության թեկնածու առաջադրված ԲՀԿ-ական Վահան Կարապետյանը աջափնյակցիներին խորոված է հյուրասիրել: Նաև հայտարարել է, որ իր ընտրողներն իրավունք ունեն իր դուռը ոտքով բացելու: Աջափնյակցիներից ոմանք մեզ հետ զրույցում նշեցին, թե չեն ուզում, որ Աջափնյակն էլ Կոտայքի մարզ դառնա, և նման հետամնաց կոչեր հնչեն իրենց թաղամասում: Ավելին՝ աջափնյակցիներից ոմանք անգամ հրաժարվել են օգտվել այդ խորովածից: | |
|