Главная » 2012 » Ապրիլ » 21 » Սամոն խաբել է Ռուբոյին

---

12:51 Սամոն խաբել է Ռուբոյին

Հայկական ժամանակ թերթը գրում է, որ ըստ ՀՀ ԱԺ պատգամավոր Սամվել Ալեքսանյանի ԿԸՀ ներկայացրած գույքի և եկամուտների հայտարարագրի, նրա վերջին մեկ տարվա եկամուտը կազմել է 18 մլն 415 հազար դրամ, որից 3 մլն 25 հազարը եղել է պատգամավորական աշխատավարձը, 11 մլն 250 հազար դրամը ստացել է որպես շահաբաժին` «Կարմիր առագաստներ» ՍՊԸ-ից, իսկ 3 մլն 300 հազարը ստացել է «Ս.Վ.Ս» ՍՊԸ-ից: Ալեքսանյանը 2012-ի մարտի 1-ի դրությամբ բանկային հաշիվներում ունեցել է 380 մլն դրամ և 9 մլն 385 հազար դոլար: Նա հայտարարագրել է չորս շինություն, վեց հողամաս և չորս ավտոմեքենա` երկու «Մերսեդես Բենց», որոնցից մեկը «500» մոդելի, մյուսը` «600», մեկական «Ռենջ-Ռովեր» և «Վազ 21124» մակնիշի: Ըստ հայտարարագրի, նա չունի ոչ մի գույք, որի արժեքը կգերազանցի ութ միլիոն դրամը, բայցևայնպես, ստացվում է, խաբել է` ասելով, թե նախընտրական քարոզարշավի փող չունի: Քարոզարշավի համար կարելի է ծախսել առավելագույնը տասը միլիոն դրամ, որի 38-ապատիկ նա ունի բանկային հաշվում, գրում է թերթը: Հիշեցնենք, որ Սամվել Ալեքսանյանը հիմնադրամ էր բացել, քանի որ փող չունի ընտրապայքարի համար, եւ նրա ընկերը` Ֆուտբոլի ֆեդերացիայի նախագահ Ռուբեն Հայրապետյանը, իր վերջին 50 հազար դրամն էր փոխանցել այդ հիմնադրամին:

1 2 3 4 5 Категория: Քաղաքականություն | Просмотров: 230 | Добавил: Lilit | Рейтинг: 0.0/0