Главная » 2012 » Օգոստոս » 4 » ՏԻՄ մարմինների ղեկավարների պաշտոնավարման ժամկետները մեր երկրում անսահմանափակ են

---

14:10 ՏԻՄ մարմինների ղեկավարների պաշտոնավարման ժամկետները մեր երկրում անսահմանափակ են

Ի տարբերություն նախագահականի, ՏԻՄ մարմինների ղեկավարների պաշտոնավարման ժամկետները մեր երկրում անսահմանափակ են: Եթե նախագահի թեկնածուն երկու անգամ անընդմեջ առաջադրվելուց հետո այլեւս չի կարող առաջադրել իր թեկնածությունը, ապա քաղաքապետերը, համայնքապետերը մեր երկրում ցմահ պաշտոնավարում են՝ սերտաճելով աթոռի հետ: ԱԺ պետաիրավական հանձնաժողովի նախագահ Դավիթ Հարությունյանից, որպես իրավաբանի, հետաքրքրվեցինք, թե որքանով է ճիշտ ՏԻՄ ղեկավարների ժամկետները չսահմանափակելը: «Դժվար է ասել՝ որն է ճիշտ, որը՝ սխալ, բայց ես հակված եմ սահմանափակմանը: Ես կարծում եմ, որ երկու ժամկետը բավական է, որ թեկնածուն իրեն դրսեւորի, եւ ճիշտ է տարբեր մարդկանց նման հնարավորություն տալը»,- ասաց Դավիթ Հարությունյանը: Նրա խոսքով, միջազգային փորձը եւս դրա մասին է վկայում. կան մի շարք երկրներ, որտեղ սահմանափակված են քաղաքապետերի եւ համայնքապետերի առաջադրման ժամկետները:

1 2 3 4 5 Категория: Քաղաքականություն | Просмотров: 187 | Добавил: Lilit | Рейтинг: 0.0/0