21:54 Արմենակ Դովլաթյան. Երեւանը դարձնում են Հայաստանն ուտող հրեշ | |
Facebook սոցիալական կայքում Հայաստանի կանաչների կուսակցության ղեկավար Արմենակ Դովլաթյանի գրառումը տարածվել է ողջ համացանցում:
Դովլաթյանը գրել է. «Երեւանի քաղաքապետարանի դիմացի եւ քաղաքի այլ վայրերի այգիներում վերջերս, կանաչ տարածքը ճմապատում են: Ճիմերը բերվում են Սևանի շրջակա ալպիական մարգագետիններից: Տրակտորին կցված սարքը 4-5սմ խորությամբ կրտում է բուսական շերտը, որը բարձում են ու բերում Երեւան: Նախ` ալպիական արոտավայրերը շատ դժվարությամբ են վերականգնվում, իսկ բուսածածկից զրկված մակերեսներն արագ ջրատվելու, քամահարվելու են, ու մնան բաց ժայռերը, երկրորդ` այդքան բարակ շերտով ճիմերը Երեւանի պայմաններում չեն դիմանալու, եթե օրը 2-3 անգամ չջրեն ու հնձեն եւ այլն: Երաշխավորված է, որ աշնանն այդտեղ նույն անապատն է լինելու, ինչ անցած տարի էր, այն տարբերությամբ, որ Սեւանի լեռներում նույն չափի նոր անապատ է ստեղծվելու: Սրանք այգու տարածքը պարզապես պետք է փորեին ու սերմ ցանեին կամ էլ օրը 1-2 անգամ ջրեին կանաչ տարածքը, բայց տարիներով այգին չեն ջրվում: Սրանք ահռելի ծախսեր են անում կամ փող են լվանում` մեծ վնաս հասցնելով Սեւանի ջրահավաք ավազանին: Հակառակը` պետք Սեւանը շրջափակող լեռները կանաչապատել, մշտադալար ծառեր, կաղնի, բոխի եւ այլն տնկել: Երեւանը դարձնում են Հայաստանն ուտող հրեշ»: | |
|