23:57 Գները որոշում է «Արմավիան» | |
Շաբաթ օրը՝ հուլիսի 21-ին, երկու ժամով հետաձգվել է «Արմավիայի» կողմից
իրականացվող Երեւան-Մոսկվա չվերթը: «Արմավիա» ավիաընկերության լրատվական
ծառայության պատասխանատու Նանա Ավետիսովան լրատվամիջոցներից մեկին տված
մեկնաբանության մեջ ասել էր, որ չվերթը հետաձգվել է «Զվարթնոց»
օդանավակայանի պատճառով՝ մանրամասնելով, որ «Զվարթնոցն» ուզում է թանկացնել
ավիատոմսերի գները, ինչն իրենք թույլ չեն տա, հաշվի առնելով ուղեւորների
շահերը: Մենք փորձեցինք «Զվարթնոց»
օդանավակայանից պարզել, թե իսկապե՞ս իրենք կապ ունեն վերջերս բարձրացված
աղմուկի՝ ավիատոմսերի սակագների թանկացման հետ, թե՞ ոչ, սակայն
օդանավակայանի լրատվական ծառայության պատասխանատու Գեւորգ Աբրահամյանը մեզ
փոխանցեց, որ օդանավակայանը տոմսերի գին չի սահմանում: «Տոմսերի գները
նշանակում է ավիաընկերությունը՝ ըստ իրենց որոշման: Օդանավակայանը որեւէ
կապ չունի ավիատոմսերի գների հետ»,-պարզաբանեց Գեւորգ Աբրահամյանը: | |
|