ԱԺ պատգամավոր Ռուբեն Հայրապետյանին պատկանող «Հարսնաքար» ռեստորանային համալիրում, հունիսի 17-ին ծեծի ենթարկված ՊՆ կենտրոնական կլինիկական հոսպիտալի բժշիկներ Արտակ Բայադյանը եւ Գարիկ Սողոմոնյանը լիովին ապաքինվել են եւ արդեն դուրս են գրվել հոսպիտալից: Այս մասին հայտնեցին ՊՆ տեղեկատվության եւ հասարակայնության հետ կապերի վարչությունից:

Նրանց փոխանցմամբ` բժիշկներից մեկը դուրս է գրվել հուլիսի 11-ին, իսկ մյուսը` հուլիս 14-ին: Արտակ Բայադյանը եւ Գարիկ Սողոմոնյանը արդեն անցել են ծառայողական պարտականությունների կատարմանը: