Հրապարակված փաստերին նման գնահատականի հեղինակը փաստաբան Վահե Գրիգորյանն է: Անդերսոնը պատմել է ՀՀ բարձրաստիճան պաշտոնյաներին իր եւ գործընկերների կողմից տրված կաշառքների մասին: Սակայն, ՀՀ հատուկ քննչական ծառայությունը հրաժարվել է այդ փաստերը քննելու նպատակով քրեական գործ հարուցել: «ՀՔԾ-ն հրաժարվում է քրգործ հարուցել մի այնպիսի հայտարարության առնչությամբ, որն իր նախադեպը չունի: ՀՔԾ-ն երբեւէ իր վարույթում ունեցե՞լ է կամ ունի՞ մի այնպիսի գործ, որը վերաբերում է այն մասշտաբներին, որի մասին խոսում է Պավել Անդերսոնը` մի կողմ թողնելով այն հանգամանքը, թե ես ինչ կարծիք ունեմ այդ անձի` Պավել Անդերսոնի վերաբերյալ»,- մեր թղթակցին ասել է փաստաբանը: