18:42 Պարտքով ենք ապրում | |
Հայաստանի համախառն ներքին արդյունքի ավելի քան 70 տոկոսն արդեն պարտք ենք:
Այս եզրահանգումը հիմնված է ՀՀ ազգային վիճակագրական ծառայության օրերս հրապարակած «Հայաստանի սոցիալ-տնտեսական վիճակը 2012 թվականի հունվար-մայիսին» վիճակագրական տվյալների վրա: Ըստ ԱՎԾ-ի, այս տարվա մարտի վերջին ՀՀ համախառն արտաքին պարտքը կազմել է 7 միլիարդ 344 միլիոն 600 հազար դոլար: Համախառն արտաքին պարտքի 41.07 տոկոսը կամ նույնն է, թե` 3 միլիարդը պետական կառավարման համակարգերի կուտակած պարտքերն են: Համախառն արտաքին պարտքի 15.52%-ը կամ մոտ 1 միլիարդ 140 միլիոն դոլարը գոյացել է մասնավոր հատվածում, 10.48%-ը կամ մոտ 770 միլիոն դոլարը գոյացել է դրամավարկային կարգավորման մարմիններում, 20.48%-ը կամ 1 միլիարդ 504 միլիոնը` առեւտրային բանկերում, իսկ 12.45%-ը կամ 914 միլիոնը` տնտեսության տարբեր հատվածների կազմակերպությունների կողմից ստացված օտարերկրյա ուղղակի ներդրումներն են միջֆիրմային վարկերի տեսքով: | |
|