Главная » 2012 » Ապրիլ » 12 » Ադրբեջանը ծանր հարված կստանա

---

14:40 Ադրբեջանը ծանր հարված կստանա

Ստեփանակերտի օդանավակայանը պատրաստ է շահագործման: Օդանավակայանի թռիչքուղու կառուցման աշխատանքներն ամբողջությամբ ավարտված են: Այս փուլում վերապատրաստվում է անձնակազմը, Ստեփանակերտի օդանավակայանը պատրաստվում է առաջին չվերթին, որի ժամկետը դեռ հստակեցված չէ:  ԼՂՀ Պաշտպանության բանակի հրամանատար Մովսես Հակոբյանը նշում է, որ առաջին թռիչքի ուղևորներից մեկն ինքն է լինելու, իսկ Ադրբեջանի հնչեցրած սպառնալիքներին համարժեք պատասխան է տալիս:  «Մեր օդանավակայանն անպայման գործարկվելու է, անվտանգության առումով որևէ խնդիր չկա: Իհարկե, Ադրբեջանը կարող է ինքնաթիռ խփել նաև Երևանի տարածքում, բայց այսօր մեր հակաօդային պաշտպանությունն էլ Ադրբեջանի տարածքում օրվա ընթացքում մոտ 260 ինքնաթիռ է ուղեկցում»,- ասաց նա:  Մովսես Հակոբյանը հիշեցնում է, որ քաղաքացիական ինքնաթիռներին հարվածելը միջազգային նորմերի կոպիտ խախտում է: Նրա տեղեկացմամբ` Ստեփանակերտի օդանավակայանը կառուցված է այնպես, որ ինքաթիռները թռչելու են բացառապես մեր տարածքով, Ադրբեջանի սահմանը չեն խախտելու:  «Իսկ եթե Ադրբեջանը փորձի այդպիսի սադրանքի դիմել, մեր հակաօդային պաշտպանության ուժերը նաև հնարավորություն ունեն արձակված հրթիռը շարքից հանել»,- ընդգծեց ՊԲ հրամանատարը:

1 2 3 4 5 Категория: Քաղաքականություն | Просмотров: 215 | Добавил: Lilit | Рейтинг: 0.0/0