13:24 Դավիդ Լուիսը հնարավոր է ՝ բաց թողնի «Բարսելոնա»-ի հետ խաղը | |
Լոնդոնյան «Չելսի»-ի պաշտպան Դավիդ Լուիսը ամենայն հավանականությամբ չի մասնակցի Չեմպիոնների Լիգայի գավաթի ընթացիկ խաղարկության կիսաեզրափակիչ փուլի «Չելսի»-«Բարսելոնա» առաջին հանդիպմանը: Դա կապված է վնասվածքի հետ, որը ֆուտբոլիստը ստացել է Անգլիայի Գավաթի ընթացիկ խաղարկության կիսաեզրափակիչ «Տոտենհեմ»-«Չելսի» հանդիպման ժամանակ: «Ըստ ամենայնի, վնասվել են Դավիդ Լուիսի ծնկի խաչաձև կապանները: Ապրիլի 16-ին նա բժշկական հետազոտության կենթարկվի, որից հետո կպարզվի ֆուտբոլիստի ցավերի պատճառը: «Չելսի»-ի գալիք հանդիպմանը նրա մասնակցությունը կասկածելի է», - «Տոտենհեմ»-ի դեմ հանդիպումից հետո տված մամլո ասուլիսում հայտնել է «արիստոկրատներ»-ի գլխավոր մարզչի ժամանակավոր պաշտոնակատար Ռոբերտո դի Մատեոն:
| |
|