13:53 Կբացվի «CaIl out Art» ժամանակակից գերմանական գոբելենի ցուցահանդես | |
Ս. թ. ապրիլ 16-ին՝ ժամը 17.00-ին, Հովհ. Շարամբեյանի անվան ժողովրդական ստեղծագործության կենտրոնի ցուցասրահում կբացվի «CaIl out Art» ժամանակակից գերմանական գոբելենի ցուցահանդեսը և կգործի մինչև ս. թ. ապրիլի 22-ը։ Գերմանիայի «Թալշտրասե» արվեստի միությունը կներկայացնի Սաքսոնիա-Անհալթ երկրամասի ժամանակակից արվեստագետների ավելի քան տասնհինգ մեծածավալ գոբելեններ: Ցուցադրությունը հնարավորություն կընձեռի հայ հանդիսատեսին ծանոթանալու Գերմանիայի գոբելենագործության հին ավանդույթներին: Ցուցահանդեսի բացմանը կմասնակցի տարածաշրջանային այցով Հայաստան ժամանած ԳԴՀ արտաքին գործերի պետնախարար տիկին Կորնելիա Փիփերը, ում այցին զուգընթաց էլ կներկայացվի ցուցադրությունը: | |
|