Главная » 2012 » Ապրիլ » 17 » Կոլումբոսի առաջին ծովագնացությունից 520 տարի է անցել

---

13:19 Կոլումբոսի առաջին ծովագնացությունից 520 տարի է անցել

Ուղիղ 520 տարի առաջ՝ 1492 թվականի ապրիլի 17-ին, Իսպանիայի թագավոր Ֆերդինանդն ու նրա կինը՝ թագուհի Իզաբելլան, պայմանագիր են կնքել Քրիստոփոր Կոլումբոսի հետ: Թագավորական ընտանիքը Կոլումբոսին դրամական աջակցություն խոստացավ նրա նախաձեռնած արշավը դեպի «Հնդկաստան» իրականացնելու համար: Կոլումբոսը իր ծրագրերը առաջին անգամ թագուհուն ներկայացրել է 1485 թվականին, սակայն այդ ժամանակ թագուհին շատ մտազբաղ էր: Պատճառը խափշիկների դեմ մղվող պատերազմն էր: Եվ միայն 5 տարի անց Կոլումբոսը կրկին փորձեց համոզել թագուհուն, որ այդ արշավը անհրաժեշտ է: Այդպիսով՝ ապրլի 17-ին թագավորական ընտանիքի և ծովագնացի միջև ֆինանսական պայմանագիր կնքվեց: 1492 թվականի օգոստոսի 2-ին Կոլումբոսն ուղևորվեց «Հնդկաստան»: Սակայն, ինչպես հայտնի է, նա Հնդկաստան չհասավ, փոխարենը բացահայտեց նոր աշխարհը:  Հայտնի ծովագնացներից նա առաջինն էր, որ հատեց Ատլանտյան օվկիանոսը: Նա հայտաբերեց նաև Մեծ և փոքր Անտիլյան կղզիները, Կարիբյան ծովի մի շարք փոքր կղզիներ, ինչպես նաև Հարավային Ամերիկայի ափերի մոտ գտնվող Տրինիդադ կղզին: Ի պատիվ Քրիստոփոր Կոլումբոսի (իսպաներեն՝ Քրիստոբալ Կոլոն) ՝ Սալվադորի արժույթն անվանվել է կոլոն:

1 2 3 4 5 Категория: Մշակույթ | Просмотров: 276 | Добавил: Lilit | Рейтинг: 0.0/0