14:31 Օրենքի նախագիծը հակասում է ՀՀ Սահմանադրությանը. Վլադիմիր Կարապետյան | |
Ապրիլի 10-ին Հայ Ազգային Կոնգրեսի կենտրոնական գրասենյակի ներկայացուցիչ, թիվ 2 ընտրատարածքում մեծամասնական ընտրակարգով Հայ ազգային Կոնգրեսի կողմից պատգամավորի թեկնածու առաջադրված Վլադիմիր Կարապետյանը մասնակցեց «Բանակն իրականում» քաղաքացիական նախաձեռնության կազմակերպած «Արտակարգ դրության իրավական ռեժիմի մասին» ՀՀ օրենքի նախագծի վերաբերյալ քննարկումներին: Իր խոսքում Վլադիմիր Կարապետյանը մասնավորապես ասաց. «Քննարկման արդյունքներով անհրաժեշտ է արձանագրել, որ օրենքի նախագիծը հակասում է ՀՀ Սահմանադրությանը: Այս հանգամանքը կրկին անգամ հաստատվեց հենց Արդարադատության նախարարության ներկայացուցչի ելույթից հետո, քանզի վերջինս չկարողացավ վկայակոչել Սահմանադրության որեւէ դրույթ, որը թույլ է տալիս օգտագործել բանակը ներքաղաքական զարգացումներում: Այս պարագայում գործում է հետեւյալ եզրը. եթե որեւէ օրենք հակասում է Սահմանադրությանը, ապա գործում է Սահմանադրությունը, ոչ թե օրենքը»: Կարապետյանը նաեւ վստահություն հայտնեց, որ հաջողության հասնելով ԱԺ ընտրություններին եւ համագործակցելով խնդրով մտահոգ քաղաքական կուսակցությունների հետ՝ Հայ Ազգային Կոնգրեսը ՀՀ ԱԺ-ում կապահովի այս ապօրինի նախաձեռնության վիժեցումը:
| |
|