13:04 Փաշինյանն ի սկզբանե առաջադրված է եղել Սամվել Ալեքսանյանի կողմից. Վարդան Վարդանյան | |
Մալաթիա-Սեբաստիա համայնքի թիվ 7 ընտրատարածքում առաջադրված թեկնածու Վարդան Վարդանյանի հաղորդագրության համաձայն` ինքը բազմիցս բանավեճի է հրավիրել նույն ընտրատարածքում առաջադրված Սամվել Ալեքսանյանին և Նիկոլ Փաշինյանին, բայց նրանք հրաժարվել են: ''Նրանք ընտրարշավի ամբողջ ընթացքում բեմականացնում են մի ներկայացում, որը միտված է ընտրողներին և միջազգային դիտորդներին համոզելու, թե իբր Սամվել Ալեքսանյանը և Նիկոլ Փաշինյանը քաղաքական տարբեր ու ''անհաշտ'' ճամբարների ներկայացուցիչներ են: Մինչդեռ իմ հարցազրույցներից մեկում ես արդեն նշել եմ, որ Նիկոլ Փաշինյանը, ի սզբանե ընտրատարածքում ներդրված է եղել հենց Սամվել Ալեքսանյանի կողմից ու դժվար չէ կռահել, որ ոչ Նիկոլ Փաշինյանի գեղեցիկ աչքերի համար: Ցավոք, թիվ 7 ընտրատարածքի ընտրարշավը քաղաքական իրական պայքարի փոխարեն վերածվել է իմիտացիոն թատերական ներկայացման, որտեղ Սամվել Ալեքսանյանին ընձեռնված է գլխավոր ռեժիսորի, իսկ Նիկոլ Փաշինյանին՝ անչափ շահագրգիռ ծաղրածուի դերը'',- ասված է թիվ 7 ընտրատարածքում առաջադրված պատգամավորության թեկնածու Վարդան Վարդանյանի հայտարարության մեջ: | |
|